Ավստրալացի պատգամավորը՝ Ադրբեջանի «սև ցուցակում». պատճառը՝ Արցախի մասին գրառումն է

Ավստրալիայի Նոր Հարավային Ուելսի խորհրդարանի պատգամավոր Հյու ՄաքԴերմոթը Արցախի ժողովրդին նախագահական ընտրությունների առնչությամբ շնորհավորելուց հետո հայտնվել է Ադրբեջանի «սև ցուցակում». հայտնում է Yerkir.am-ը։ 

Պատգամավորն իր թվիթերյան միկրոբլոգում, մասնավորապես, նշել էր.

«Շնորհավորում եմ Արցախի Հայկական Հանրապետության բնակիչներին, որոնք այս շաբաթ անցկացրին իրենց նախագահական ընտրությունները: Ընտրություններում քվեարկել և իր ժողովրդավարական իրավունքներն է օգտագործել ընտրողների 72 տոկոսից ավելին: Թեկնածուներին հաջողություն եմ մաղթում ապրիլի 14-ին երկրորդ քվեարկության ժամանակ։ Ավտորիտար ռեժիմների եւ բռնապետությունների տարածաշրջանում հրաշալի է տեսնել բարգավաճող ժողովրդավարություն: Շնորհավորում ենք Արցախի ազատ մարդկանց», և հրապարակման մեջ շնորհավորել նաև Ավստրալիայի Հայ դատի հանձնախմբին ու ՀՀ կառավարությանը։

Ավելի ուշ նա մեկ այլ գրառմամբ նա տեղեկացրել էր՝ «ազատ և ժողովրդավար Արցախին աջակցելու պատճառով հայտնվել է ադրբեջանական ավտորիտար ռեժիմի սև ցուցակում»:

Նա պարզաբանել էր. «Ես միանում եմ հարյուրավոր պատգամավորներին, որոնք սիրում են ժողովրդավարությունը, լրագրողներին, գիտնականներին ու իրավապաշտպաններին: Ինչպիսի պատիվ»,- ու գրառմանը կցել Ադրբեջանի ամբողջական «սև ցուցակի» հղումը: