Ադրբեջանում նույնպես մտցվեց արտակարգ դրություն

Մարտի 23-ին Ադրբեջանի նախարարների կաբինետում կորոնավիրուսի կանխարգելման միջոցառումների շրջանակում որոշում է ընդունվել երկրում արտակարգ դրություն մտցնելու մասին։ Արտակարգ դրությունը կգործի մարտի 24-ից ժամը 00։00-ից մինչև ապրիլի 20-ը. հայտնում է Meydan TV-ն։

Նշված ժամանակահատվածում 65-անց մարդկանց արգելվում է դուրս գալ տնից։ Սահմանափակվում է Բաքու, Սումգայիթ և Ապշերոնի շրջան ելումուտը՝ բացառությամբ հատուկ ծառայությունների տրանսպորտի։ Կարգելվի տարբեր քաղաքներ և շրջաններ ուղևորափոխադրումները։ Կարգելվի նաև փողոցներում, բակերում, այգիներում և այլ հասարակական վայրերում 10-ից ավել մարդկանց հավաքը։ Խորհուրդ է տրվում երկու մետր հեռավորություն պահպանել անձանց միջև։