Հապաղումը կարող է կործանարար լինել. միկրովիրաբույժը՝ կորոնավիրուսի դեմ պայքարի մասին

Մխիթար Հերացու անվան համալսարանական հիվանդանոցի պլաստիկ վիրաբուժության եւ միկրովիրաբուժության բաժանմունքի ղեկավար և պլաստիկ վիրաբուժության ամբիոնի վարիչ Արտավազդ Սահակյանը ֆեյսբուքյան իր էջում գրել է.

«Նորից եմ դիմում ՀՀ կառավարությանը՝

Աշխարհում՝ հատկապես Եվրոպայում, իրավիճակը սրընթաց վատթարանում է։ Հնարավոր անդառնալի կորուստներից խուսափելու նպատակով անհրաժեշտ է կիրառել խստագույն միջոցառումներ՝ ներգրավելով ուժային կառույցների հնարավորությունները՝ մարդկանց տեղաշարժը և շփումը բացառելու նպատակով։Երևանի փողոցներում առայժմ տիրում է աշխուժություն և եռուզեռ։

Հապաղումը կարող է կործանարար լինել...

Հուսով եմ, որ մեր քաղաքացիները ըմբռնումով կմոտենան ստեղծված իրավիճակին՝ իրենց կարգապահությամբ օգնելով բժիշկներին, ովքեր հիմա առաջնագծում են։ Դրանով իսկ կարող եք ձեր աջակցությունը ցուցաբերել առողջապահության նախարարությանը»։