Արտակ Դավթյանն այցելել է զորամասեր

Մարտի 18-ին ՀՀ զինված ուժերի գլխավոր շտաբի պետ, գեներալ-լեյտենանտ Արտակ Դավթյանն աշխատանքային այցով եղել է հյուսիս-արևմտյան ուղղությամբ տեղակայված զորամասերում: Այս մասին Yerkir.am-ին հայտնում են ՊՆ-ի լրատվության վարչությունից։

Զորամիավորման և զորամասերի հրամանատարները զեկուցել են կատարված աշխատանքի, անձնակազմի ֆիզիկական, մարտական ու բարոյահոգեբանական պատրաստության մակարդակի և ստորաբաժանումներին առաջադրված խնդիրների մասին:

ՀՀ ԶՈՒ ԳՇ պետը շրջել է զորանոցներում, ծանոթացել զորամասերում ընթացող շինարարական աշխատանքներին, հրամանատարական կազմին տվել համապատասխան հանձնարարականներ:

Գործնական պարապմունք ականանետային մարտկոցի անձնակազմի հետ

Զինծառայողների մարտավարական-մասնագիտական պատրաստության մակարդակն ամրապնդելու և հաստիքային զենքի կիրառման հմտությունները ստուգելու նպատակով մարտի 18-ին 2-րդ զորամիավորման N զորամասի ականանետային մարտկոցի անձնակազմի հետ անցկացվել է գործնական պարապմունք:

Մասնագիտական պատրաստության պարապմունք

4-րդ զորամիավորման զորամասերից մեկում անցկացվել է մասնագիտական պատրաստության պարապմունք:

Անձնակազմը ցուցաբերել է բարձր կազմակերպվածություն, պահպանել նորմացույցների պահանջներն ու անվտանգության կանոնները։

5-րդ զորամիավորումում անցկացվել են անվտանգության կանոնների պահպանման պարապմունքներ

5-րդ զորամիավորման զորամասերում մարտի 18-ին անցկացվել են «Անվտանգության կանոնների պահպանումը և ապահովումն առօրյա ծառայության կազմակերպման ժամանակ» թեմայով պարապմունքներ:

Զինծառայողները հրահանգավորվել են զենքի օգտագործման, տեխնիկայի շահագործման, պայթուցիկ նյութերի կիրառման և գործնական պարապմունքների ժամանակ անվտանգության կանոնների պահպանման վերաբերյալ: