Արձակուրդ եմ վերցնում, մարզերում և քաղաքներում բուն քարոզարշավի համար․ Նիկոլ Փաշինյան

Մարտի 10-ից արդեն ամբողջական քարոզարշավը սկսում ենք, արձակուրդ եմ վերցնում և ՀՀ մարզերով ու քաղաքներով անում ենք մեր բուն քարոզարշավը։ Այս մասին այսօր հանրային վայրերում մոտ 2 ժամ քարոզարշավ իրականացնելու ավարտին հայտարարեց վարչապետ Նիկոլ Փաշինյանը:

«Մարտի 9-ին արտասահմանյան այց ունեմ: Վաղը և մյուս օրը կիսաաշխատանքային, կիսաքարոզչական է լինելու: Մարտի 10-ից արդեն ամբողջական քարոզարշավը սկսում ենք, արձակուրդ եմ վերցնում և ՀՀ մարզերով ու քաղաքներով անում ենք մեր բուն քարոզարշավը: Բոլոր քաղաքներում լինելու եմ, հավաքներ ենք անցկացնելու և հանրահավաքներ»,- հայտնեց վարչապետը։

Նիկոլ Փաշինյանը քաղաքացիներին կոչ արեց ապրիլի 5-ին ընտրատեղամասեր գնալ և Սահմանադրական փոփոխություններին հանրաքվեին «Այո»-ի օգտին քվեարկել։

«Ես բոլոր քաղաքներում ելույթ եմ ունենալու և մանրամասն ներկայացնելու եմ այս հարցը, ձեզ անհրաժեշտ ամբողջ տեղեկատվությունը»,- ասաց նա։