Սաակաշվիլին անցյալի սխալների համար ներողություն է խնդրել

Վրաստանի նախկին նախագահ Միխեիլ Սաակաշվիլին վրացական «Պիրվելի» ալիքի հետ զրույցում անկեղծացել է ու անցյալի սխալների համար ներողություն խնդրել. հայտնում է Yerkir.am-ը:

Նա, մասնավորապես, նշել է.

«Ես զգում եմ իմ մեղքի չափաբաժինն ու պատասխանատվությունը շատ բաներում, ու ի սրտե ցանկանում եմ ներողություն խնդրել նաև բազմաթիվ բաների համար, որ չկարողացա մինչև վերջ վերահսկել, այն ամենի համար, որ իմ ժողովուրդը թույլ տվեց իրեն:

Վրաստանն աշխարհում ամենաարագ զարգացող երկիրն էր, որին աշխարհը երանի էր տալիս ու նախանձում: Այսօր էլ Ուկրաինայում, Ուզբեկստանում և մնացյալ այլ տեղերում, մեր հայրենակիցներին են բարձր պաշտոնների նշանակում, որովհետև մեր իշխանության ժամանակ մեր ժողովուրդը շատ հաջողակ էր, բայց հաջողությունը չի բացառում բազմաթիվ բարդություններ և դժբախտություններ: Բոլորի առաջ մեղավոր եմ և պարտք եմ բոլորիդ»: