ՏԵՍԱՆՅՈՒԹ. Կորոնավիրուս նշանակում է՝ ոչ մի ձեռքսեղմում. Արգելա Մերկելը «մերժվել է»

Գերմանիայի կանցլեր Անգելա Մերկելը այսօր՝ մարտի 3-ին, Գերմանիայում միգրացիայի թեմայով հանդիպման ժամանակ փորձել է սեղմել ներքին գործերի նախարար Հորսթ Սիհոֆֆերի ձեռքը, սակայն «մերժում է ստացել»՝ երկրում կորոնավիրուսով վարակակիրների թվի պատճառով. հայտնում է Yerkir.am-ը՝ նշելով, որ կարճ տեսանյութը հրապարակվել է EuroNews-ի ֆեյսբուքյան պաշտոնական էջում:

Նշվում է՝ «մերժման պատճառը» ողջ աշխարհում տարածում գտած COVID-19-ն է՝ կորոնավիրուսը, քանի որ այն բացի հազից ու փռշտոցից կարող է փոխանցվել նաև ձեռքսեղմման միջոցով: 

Այս պահին Գերմանիայում 157 կորոնավիրուսակիր կա:

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվն օր օրի աճում է։ Կորոնավիրուսի բռնկման մասին չինական իշխանությունները ԱՀԿ-ին տեղյակ էին պահել  դեռևս դեկտեմբերին: