Հնդկաստանը Հայաստան կմատակարարի 40 մլն դոլար արժողությամբ ռադիոտեղորոշիչներ. India Today

Հնդկաստանը Հայաստան ռադիոտեղորոշիչի մատակարարման 40 միլիով դոլար արժեքով համաձայնագիր է կնքել. գրում է India Today-ը՝ սեփական կառավարական աղբյուրներին հղումով. հայտնում է Yerkir.am-ը:

Ըստ կողմերի միջև կնքված համաձայնագրի՝ 4 Swathi ռադարների (ռադիոտեղորոշիչ) մատակարարում է նախատեսվում. դրանք ապահովում են թշնամու զենքի արագ, ավտոմատ, ինչպես նաև ճշգրիտ հայտնաբերում 50 կմ հեռավորության վրա՝ անկախ այն հանգամանքից, թե դրանք ականանետներ, արկեր կամ հրթիռներ են:

Հավելվում է նաև, որ ռադիոտեղորոշիչը կարող է միաժամանակ հաղթահարել տարբեր հատվածներում զենքի տարբեր տեսակներից արձակված մի քանի արկեր: Վերջիններս Հնդկաստանի բանակն օգտագործում է Քաշմիրի շփման գծում:

India Today-ը շեշտում է նաև, որ Հայաստանն իրականացրել է նաև ռուսական ու լեհական համակարգերի փորձարկումներ, սակայն արդյունքում ընտրել է հնդկական արտադրանքը: