Սակրավորները ականազերծում են Հալեպի արվարձանները

Սիրիացի սակրավորները շարունակում են ականազերծել Հալեպի արվարձանում գտնվող Զահրա ավանը, որը վերջերս էր ազատագրվել գրոհայիններից. հայտնում է Yerkir.am-ը՝ ՌԻԱ «Նովոստի»-ին հղումով: 

Նշվում է՝ Զահրայում ահաբեկիչների պաշտպանության գլխավոր գիծն անցնում էր բնակելի շենքերով, որտեղ առաջին, երկրորդ, երրորդ հարկերը լավ ամրացված կրակակետեր էին:

«Մեր գլխավոր առաջադրանքն է ականազերծել Զահրայի բոլոր ճանապարհները, բացել դրանք տրանսպորտի համար:  Մենք արդեն վնասազերծել ենք հարյուրավոր ֆուգասներ։ Համարյա ամեն օր գտնում ենք օտարերկրյա, այդ թվում՝ թուրքական ֆուգասներ»,- լրագրողների հետ զրույցում մանրամասնել է ինժեներական ծառայության հրամանատար Վահիդ Դիաբը:

Միևնույն ժամանակ նա նշել է նաև, որ ականազերծումը դանդաղ է ընթանում։ Օրվա ընթացքում սակրավորները մոտ 300 մետր են առաջ շարժվում, որովհետև գործողությունները չափազանց վտանգավոր կարող են լինել: