Երևանում կտեղադրվի՞ Մահաթմա Գանդիի արձանը. առաջարկ Հնդկաստանի դեսպանատնից

Երևանի ավագանու «Իմ քայլը» խմբակցության անդամ Լևոն Զաքարյանը իր ֆեյսբուքյան էջում տեղեկացրել է, որ Հնդկաստանի դեսպանատնից առաջարկ է ստացվել Երևան քաղաքում տեղադրել Մահաթմա Գանդիի արձանի վերաբերյալ. հայտնում է Yerkir.am-ը:

Նա, մասնավորապես, նշել է. 

«Հանրային քննարկում.

Կուզեի իմանալ մեր համաքաղաքացիների կարծիքը։ Մեզ առաջարկ է եկել Հնդկաստանի դեսպանատան կողմից` ըստ որի առաջարկվում է Երևան քաղաքում տեղադրել Մահաթմա Գանդիի արձանը։

Առաջարկվող վայրերն են` Օղակաձև զբոսայգում կամ Հանրապետական հիվանդանոցի հարակից զբոսայգում։ Նկարում առաջարկվող տարբերակն է։

Մահաթմա Գանդիի 150-ամյակի կապակցությամբ 2019-ի հոկտեմբերի 2-ին մեկնարկել է Դելիից մինչև Ժնև կազմակերպվող «Շարժվելով դեպի ազատություն և խաղաղություն խորագրով» մեկամյա քայլերթ, որն անցնելու է նաև Հայաստանով և Արցախով: Քայլերթի մասնակիցներն այժմ գտնվում են Հայաստանում»: