ՄԱԿ-ն իր անհանգստությունն է հայտնել Սիրիայում կառավարական ուժերի և թուրքերի միջև տեղի ունեցած բախումների վերաբերյալ

ՄԱԿ-ն իր անհագստությունն է հայտնել Անկարայի և Դամասկոսի միջև առաջացած լարվածության վերաբերյալ, որի պատճառը Սիրիայի կառավարական ուժերի կողմից սիրիական Իդլիբում Թուրքիայի զինված ուժերի վրա հրետանային հարձակումն էր, որի արդյունքում թուրքերն ունեցան 5 զոհ (խմբ. պաշտոնական թիվն է, ըստ ընդդիմադիր լրատվամիջոցների՝ 6) և 9 վիրավոր:

ՄԱԿ-ի քարտուղար Անտոնիա Գուտիերրեսի խոսնակ Ստեֆան Դուժարիկը նշում է, որ Սիրիայում շարունակվող բախումները և՛ տարածաշրջանային, և՛ միջազգային խաղաղության համար վտանգ է ստեղծում: Այս մասին, ըստ Yerkir.am-ի, հայտնում է gazetekarinca.com կայքը:

Դուժարիկը նաև մտահոգություն է հայտնել, որ շարունակական բախումների պատճառով քաղաքացիներ են զոհվում, իսկ մի մասն էլ հարկադրաբար լքում է բնակավայրերը: