Եկատերինբուրգ-Երևան օդանավը վերադարձել է օդանավակայան. պատճառը՝ կանգնակների տվիչի ահազանգն է

ՌԴ ՔԿ տրանսպորտի Ուրալի քննչական վարչության տեղեկություններով՝ Airbus А320-ը ուրբաթ առավոտյան, ժամը 07.35-ին (Մոսկվայի ժամանակով ժամը 05.35-ին) դուրս է եկել Կոլցովո օդանավակայանից, սակայն մոտ մեկ ժամ անց ինքնաթիռը, որի մեջ 65 ուղևոր ւ անձնակազմի 6 անդամ է եղել, ստիպված է եղել վերադառնալ օդանավակայան. ըստ Yerkir.am-ի՝ հայտնում է ՌԻԱ «Նովոստի»-ն:

Նշվում է՝ Եկատերինբուրգից Երևան թռչող ինքնաթիռը հետ է դարձել անսարք կանգնակի տվիչի պատճառով, որն սկսել է ահազանգել, ոչ ոք չի տուժել:

«Բարձրություն հավաքելու ժամանակ կանգնակների անսարքության տվիչը սկսել է ահազանգել: Դա է եղել պատճառը, որ օդանավի հրամանատարը որոշել է վերադարձնել ինքնաթիռն օդանավակայան: Օդանավը բարեհաջող վայրէջք է կատարել մեկնման օդանավակայանում։ Ուղևորներն ու անձնակազմի անդամները չեն տուժել, օդանավը չի վնասվել»,- պարզաբանվում է հաղորդագրությունում ու միևնույն ժամանակ նշվում, որ քննչական վարչությունը սկսել է փաստի ստուգումները:

Այ պահի դրությամբ գերատեսչության աշխատակիցները պարզում են պատահածի պատճառները և հանգամանքները։