Վլադիմիր Պուտինը շնորհավորել է Դմիտրի Խառատյանին

ՌԴ նախագահ Վլադիմիր Պուտինը շնորհավորել է դերասան ու  պրոդյուսեր Դմիտրի Խառատյանին ծննդյան 60-ամյակի կապակցությամբ. ըստ Yerkir.am-ի՝ հայտնում է ՌԻԱ «Նովոստի»-ն:

Պուտինն իր հեռագրում շեշտել է Խառատյանի տաղանդն ու նրա դրական էներգիայի պաշարը:

Նա, մասնավորապես, նշել է.  «Դուք հաջողությունների եք հասել դերասանական ոլորտում` վառ դրսևորվելով իբրև հիանալի կատարող, նվաճել եք էստրադայի ու կինեմատոգրաֆի երկրպագուների անկեղծ սերը» ու մաղթել Խառատյանին ստեղծագործական նորանոր նվաճումներ, առողջություն և ամենաբարին:

Նշենք, որ Դմիտրի Խառատյանը ՌԴ ժողովրդական արտիստ է,ում էկրանային առաջնախաղն եղել է 1976թ. Վլադիմիր Մենշովի «Խաղարկություն» ֆիլմում: