Ստորագրություն չհեռանալու մասին՝ փոխվեց Մանվել Գրիգորյանի խափանման միջոց կալանավորումը

«Դատարանը որոշեց մեղադրող Ռևազյանի միջնորդությունը բավարարել: Ամբնաստանյալ Մանվել Գրիգորյանի նկատմամբ ընտրված խափանման միջոց կալանավորումը փոխել, խափանման միջոց չհեռանալու մասին ստորագրությամբ»,- ըստ Yerkir.am-ի՝ որոշումը հրապարակել է դատավոր Մնացական Մարտիրոսյանը: 

Այսօր՝ հունվարի 15-ին, ՀՀ դատախազության նախաձեռնությամբ Երեւանի ընդհանուր իրավասության դատարանում, ԵԿՄ վարչության նախկին նախագահ, գեներալ Մանվել Գրիգորյանի խափանման միջոցի փոփոխման վերաբերյալ արտահերթ դատական նիստ էր հրավիրվել։

Հիշեցնենք, որ Մանվել Գրիգորյանը երեկվանից գտնվում է «Նաիրի» ԲԿ-ում։ Նրա վիճակը ծանր է, միացված է արհեստական շնչառության սարք։ Նրան էր այցելել նաև ՀՀ մարդու իրավունքների պաշտպանը։