Պուտինը և Էրդողանը պաշտոնապես գործարկեցին «Թուրքական հոսք» գազամուղը

Ռուսաստանի նախագահ Վլադիմիր Պուտինը և նրա թուրք գործընկեր Ռեջեփ Թայիփ Էրդողանը հունվարի 8-ին գործարկել են «Թուրքական հոսք» գազամուղը:  Պաշտոնական արարողությունը կայացել Է Ստամբուլի «Խալիչ» կոնգրես-կենտրոնում, ըստ yerkir.am-ի` տեղեկացնում է ՏԱՍՍ գործակալությունը:

Ռուսական կողմից միջոցառմանը մասնակցել են նաեւ Էներգետիկայի նախարար Ալեքսանդր Նովակը եւ «Գազպրոմ»-ի ղեկավար Ալեքսեյ Միլլերը: Արարողությանը ներկա են եղել նաեւ Սերբիայի նախագահ Ալեքսանդար Վուչիչը եւ Բուլղարիայի վարչապետ Բոյկո Բորիսովը:

«Թուրքական հոսք» նախագիծը երկու ուղեգծից բաղկացած գազամուղ է, որոնցից յուրաքանչյուրի հզորությունը տարեկան 15,75 մլրդ խորանարդ մետր է: Առաջին գիծը նախատեսված է Թուրքիայի սպառողներին ռուսական գազ մատակարարելու համար, երկրորդը՝ Հարավային եւ Հարավարեւելյան Եվրոպայի երկրների գազամատակարարման համար: