Արցախում երկու զինծառայող է վթարի ենթարկվել․ News.am

Հունվարի 5-ին Արցախում երկու զինծառայող է վթարի ենթարկվել`հայտնում է News.am-ը։

Վթարի ենթարկված զինծառայողներից Փայլակ Սիսակի Ասատրյանը Արմավիրի մարզի Արգինա գյուղից է։ 

Լրատվամիջոցի հետ զրույցում նրա հայրը պատմել է, որ մեքենան գլորվել է ձորը։ Նրանց տեղափոխել են Ստեփանակերտի կենտրոնական զինվորական հոսպիտալ, ապա իր որդուն՝ Փայլակ Ասատրյանին ուղղաթիռով Երևան՝ Կենտրոնական կլինիկական զինվորական հոսպիտալ։ Նրա վիճակը գնահատվում է ծանր. «Ամբողջ մարմինը սալջարդ է, ոտքն է կոտրվել, թոքն ու լյարդն է վնասվել, անընդհատ քնացնում են, որ ցավեր չզգա։ Կոմայի մեջ է»։

Սիսակ Ասատրյանն ասել է, որ որդին 1,5 տարվա ծառայող է, 6 ամիս է մնում, որ ավարտի ծառայությունը, ծառայում է Արցախի ՊԲ-ում։

Yerkir.am-ը փորձեց պարզաբանում ստանալ ՀՀ պաշտպանության նախարարությունից, բայց առայժմ պատասխան չկա։ Նոր տեղեկությունների դեպքում կհայտնենք լրացուցիչ։