«Կրթության մասին օրենքում փոփոխություն կատարելու մասին» նախագիծը հաստատվեց

ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նիստում հավանության են արժանացել քննարկման դրված օրենքի նախագծերը, որոնցից մեկը վերաբերում էր «Կրթության մասին և հարակից օրենքներում փոփոխություններ կատարելուն»:

Yerkir.am-ն ավելի վաղ տեղեկացրել էր, որ այսօր ԱԺ-ում գումարվել է գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նիստը:

Նիստում 2 օրենքի նախագիծ է քննարկվել՝  «Կրթության մասին» ՀՀ օրենքում փոփոխություններ և լրացումներ կատարելու և հարակից օրենքում՝ «Նախնական մասնագիտական և միջին մասնագիտական կրության մասին» ՀՀ օրենքում փոփոխություն կատարելու մասին օրենքների փաթեթը, ինչպես նաև «Հանրակրթության մասին» ՀՀ օրենքում լրացումներ և փոփոխություններ կատարելու մասին եւ հարակից օրենքում՝ «Երեւան քաղաքում տեղական ինքնակառավարման մասին» ՀՀ օրենքում լրացում կատարելու մասին՝ կառավարության ներկայացրած օրենքի նախագիծը: