Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 5 տարի առաջ - 2019-05-03 20:34
Արցախ

Արցախի ԱԺ-ն ընդունել է «ԱՀ 2019 թ.-ի պետական բյուջեի մասին» օրենքում փոփոխություններ կատարելու մասին նախագիծը

Արցախի ԱԺ-ն ընդունել է «ԱՀ 2019 թ.-ի պետական բյուջեի մասին» օրենքում փոփոխություններ կատարելու մասին նախագիծը

Քիչ առաջ Խորհրդարանը 26 կողմ, 2 ձեռնպահ ձայների հարաբերակցությամբ երկրորդ ընթերցմամբ ընդունել է «ԱՀ 2019 թ.-ի պետական բյուջեի մասին» օրենքում փոփոխություններ կատարելու մասին նախագիծը:

«Արցախպրես»-ի թղթակցի հաղորդմամբ՝ օրենքի նախագիծն առաջին ընթերցմամբ 25 կողմ, 4 ձեռնպահ ձայների հարաբերակցությամբ
այսօր առավոտյան մեկնարկած նիստին, որից հետո նիստն ընդհատվել էր:
 
Իր խոսքում ԱՀ ֆինանսների նախարար Արթուր Հարությունյանը նշել է, որ օրենքի նախագծի առաջին ընթերցումից հետո ԱՀ կառավարությունը ստացել է պատգամավորներ Արմեն Օհանյանի և Լյուդմիլա Բարսեղյանի կողմից երկու առաջարկ:«Առաջինը հարցը վերաբերում է Հադրութի շրջանի Այգեստան-Ակնաղբյուր ռազմավարական ճանապարհի, Մելիքաշեն-Պլեթանց գյուղերի ձորից մինչև Պլեթանց գյուղի գերեզմաններ ընկած հատվածի շինարարությունը ծրագրում ընդգրկելուն: Հարցը քննարկվել է ֆինանսաբյուջետային և կառավարման հարցերի մշտական հանձնաժողովում, և նշեմ, որ առայժմ գազատարի հետ կապված տեխնիկական հարցեր կան, և այդ աշխատանքները իրականացնելուց հետո, ճանապարհի այդ հատվածում շինարարությունը կշարունակվի և կավարտվի:

Երկրորդ հարցը վերաբերում էր Տիգրան Մեծ փողոցի մայրուղուց դեպի երկրորդ փակուղի՝ 5-րդ շենք տանող ճանապարհի աֆսալտապատման աշխատանքներին: 2019 թ.-ի պետական բյուջեի նախագիծը քննարկելու ժամանակ ևս ստացել ենք այդ առաջարկությունը, և, ըստ Կառավարության եզրակացության, ճանապարհի շինարարությունը ներառված է 2020 թ.-ի պետական բյուջեի կապիտալ ներդրումների ծրագրում»,- մանրամասնել է Ա. Հարությունյանը:
Գլխադասային հանձնաժողովի դրական եզրակացությունը ներկայացրել է ԱԺ ֆինանսաբյուջետային և կառավարման հարցերի մշտական հանձնաժողովի նախագահ, պատգամավոր Արամ Գրիգորյանը:
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը