Ռոբերտ Քոչարյանի փաստաբանների բողոքարկմամբ Վերաքննիչ դատարանի նիստը նշանակված է դեկտեմբերի 16-ին

Հայաստանի երկրորդ նախագահ Ռոբերտ Քոչարյանի բողոքարկմամբ Վերաքննիչ քրեական դատարանի նիստը նշանակված է դեկտեմբերի 16-ին 16:30-ին. Yerkir.am-ն այս մասին տեղեկանուն է դատական տեղեկատվական համակարգից:

Նշենք, որ սա նոր կազմով առաջին նիստն է, գործը մակագրվել է դատավոր Լուսինե Աբգարյանին:

Նախորդ դատական նիստոի ընթացքում դատավոր Մխիթար Պապոյանը բավարարել էր դատախազների միջնորդությունը և ինքնաբացարկ հայտնել:

Հիշեցնենք, որ երկրորդ նախագահի փաստաբանները բողոքարկել են Երեւանի ընդհանուր իրավասության դատարանի դատավոր Աննա Դանիբեկյանի նոյեմբերի 7-ի որոշումը, ըստ որի՝ մերժվել էր նախկին նախագահին գրավով ազատելու մասին միջնորդությունը: