Google-ի հիմնադիրները հեռանում են ղեկավար պաշտոններից

Menlo Park-ի ավտոտնակից Google-ի գործարկումից ավելի քան 20 տարի հետո Լարի Փեյջը և Սերգեյ Բրինը՝ համացանցի հսկայի հիմնադիրները, որ միլիարդատերեր են դարձել, հեռանում են իրենց ղեկավար պաշտոնից Alphabet մայր ընկերությունում. ըստ Yerkir.am-ի՝հայտնում է CNN-ը։

Փեյջը և Բրինը հեռանում են համապատասխանաբար գլխավոր տնօրենի ու նախագահի պաշտոններից: Google-ի ներկայիս գլխավոր տնօրեն և ընկերության գործադիր տնօրեն Սունդար Փիչայը կզբաղեցնի Alphabet-ի գլխավոր տնօրենի պաշտոնը՝ իր ներկա պաշտոնի հետ համատեղության կարգով:

Համահիմնադիրները կշարունակեն աշխատել Alphabet-ի տնօրենների խորհրդում։ Նրանք հնարավորություն ունեն պահպանել նաև ընկերության վերահսկողությունը քվեարկության օգնությամ, քանի որ նրանց է պատկանում կոնցեռնի բաժնետոմսերի մեծ մասը։

Փորձագետների պնդմամբ՝ դա գրեթե երաշխավորում է ընկերության երկու հիմնադիրներին՝ ապագայում Alphabet-ի գործունեության ուղղության վրա ազդելու կարողությունը։