«Իսլամական պետությունը» նոր առաջնորդ ունի, և ԱՄՆ-ը գիտի՝ ով է նա. Դոնալդ Թրամփ

ԱՄՆ նախագահ Դոնալդ Թրամփը գրառում է կատարել Twitter-ի իր էջում, նշելով.

««Իսլամական պետությունը» նոր առաջնորդ ունի, և մենք հստակ գիտենք՝ ով է նա»,- գրել է նա:

Թրամփը հոկտեմբերի 27-ին հայտնել է «Իսլամական պետության» առաջնորդ Աբու Բաքր ալ-Բաղդադիի ոչնչացման մասին: Նրա խոսքով՝ ԱՄՆ-ի հատուկ գործողությունների ժամանակ ալ-Բաղդադին գործի է դրել մահապարտի գոտին, ավելի ուշ հաջողվել է «արագ» նույնականացնել նրան:

Ավելի ուշ ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը հայտնել է, որ Ռուսաստանը հստակ տեղեկություն չունի Բաքր ալ-Բաղդադիի «հերթական» ոչնչացման մասին:

Իսլամիստների հետ կապ ունեցող Amaq կայքը հայտնել է, որ ահաբեկչական խմբավորումը հաստատել է իր առաջնորդի մահը: