Գերմանիայի բնակչության մեծամասնությունը կողմ է Թուրքիայի՝ ՆԱՏՕ-ից հեռանալուն

Գերմանիայի բնակչության 58 տոկոսը կողմ է արտահայտվել Թուրքիայի՝ ՆԱՏՕ-ի կազմից հնարավոր հեռացմանը, իսկ 18 տոկոսը՝ դեմ: Հարցումը կատարել է YouGov ինստիտուտը՝ Թուրքիայի՝ Սիրիայի հյուսիս ներխուժման ֆոնին. հաղորդում է ՏԱՍՍ գործակալությունը:

Հարցման մասնակիցների 61 տոկոսը կողմ է արտահայտվել Թուրքիայի նկատմամբ պատժամիջոցների կիրառմանը, իսկ 69 տոկոսը դեմ է դեպի Թուրքիա ապրանքների արտահանմանը:

Deutsche Presse գործակալությունը, որի պատվերով անցկացվել է հարցումը, նշում է, որ ՆԱՏՕ-ի՝ 1949 թ. համաձայնագիրը չի կանոնակարգում անդամ պետությունների՝ կազմակերպությունից հեռացման գործընթացը: Այդ առումով Թուրքիայի նկատմամբ նման միջոցներ կիրառելը ավելի պրոբլեմատիկ կլինի: Գերմանիայում դեռևս միայն Ձախերի կուսակցությունն է նման առաջարկով հանդես եկել: Իսկ երկրի ԱԳՆ ղեկավար Հայկո Մաասը Թուրքիային անվանել է ՆԱՏՕ-ի կարևոր դաշնակից: