Ռուսաստանն Իրանի ընկերն է եղել բարդ իրավիճակներում. Զարիֆ

Մոսկվան քաղաքական բարդ իրավիճակներում հանդես է եկել հօգուտ Թեհրանի: Այս մասին հայտարարել է Իրանի արտաքին գործերի նախարար Մոհամադ Ջավադ Զարիֆը․ տեղեկացնում է ՏԱՍՍ լրատվական գործակալությունը։

«Ռուսաստանն Իրանի ընկերն է եղել բարդ իրավիճակներում»,- նշել է նա ու հավելել. «Նման գործընկերոջ հետ Իրանը կշարունակի իր համագործակցությունը»:

Զարիֆը նաև մանրամասնել է՝  Ռուսաստանի հետ իրենց հարաբերությունները ռազմավարական բնույթ ունեն։

Լրատվամիջոցը հավելում է նաև, որ Ռուսաստանի արտաքին գործերի նախարար Սերգեյ Լավրովը սեպտեմբերի 2-ին բանակցություններ կվարի Զարիֆի հետ, որը Ռուսաստանի մայրաքաղաքում է աշխատանքային այցով:

ՌԴ ԱԳ նախարարության պաշտոնական ներկայացուցիչ Մարիա Զախարովայի խոսքով՝ հանդիպման ընթացքում քննարկվելու են առևտրատնտեսական համագործակցության ընդլայնմանն ուղղված քայլերը, միջուկային գործարքի ապագան, ինչպես նաև Պարսից ծոցի գոտում սրված իրադրությունը։