Սիրիական բանակը վերսկսում է Իդլիբում մարտական գործողությունները

Սիրիական բանակը վերսկսում է Իդլիբում ահաբեկչական խմբավորումների դեմ ռազմական գործողությունները, հաղորդում է  РИА Новости-ն:Պատճառը գրոհայինների կողմից ավելի վաղ հաստատված հրադադարի ռեժիմին չհետևելն է և Անկարայի կողմից Սոչիում ձեռք բերված ռուս-թուրքական պայմանավորվածությունների չկատարումը:

Ավելի վաղ  Թուրքիայի նախագահ Ռեջեփ Թայիփ Էրդողանը հայտարարել էր, որ Թուրքիան ռազմական արշավ կսկսի Եփրատի արևելյան ափին և այդ մասին տեղեկացրել է Ռուսաստանին և ԱՄՆ-ին: Թուրքիայի ԱԳ նախարար Մևլութ Չավուշօղլուն էլ հայտարարել է, որ Սիրիայի Իդլիբ նահանգում նոր հնարավոր հումանիտար աղետը ռազմական գործողությունների շարունակման դեպքում կարող է գերազանցել այս տարածաշրջանում 2015 թվականին տեղի ունեցած ճգնաժամը: