Օգոստոսի 4-ին «ՀԿԵ» ՓԲԸ մերձքաղաքային էլեկտրագնացքներով երթևեկությունը կլինի անվճար, բացառությամբ Երևան-Գյումրի էքսպրեսների

«Հարավկովկասյան երկաթուղի» ՓԲԸ տեղեկացնում է, որ օգոստոսի 4-ին, Երկաթուղայինի օրվա կապակցությամբ, երթևեկությունը «ՀԿԵ» ՓԲԸ ներհանրապետական բոլոր էլեկտրագնացքներով՝ բացառությամբ №100/101 և 102/103 Երևան-Գյումրի-Երևան և Գյումրի-Երևան-Գյումրի էքսպրեսների, կլինի անվճար:

Անվճար կգործեն հետևյալ ուղերթներ՝

- Երևան-Գյումրի-Երևան (սովորական էլեկտրագնացքներ)

- Երևան-Արաքս-Երևան

- Աբովյան-Ալմաստ-Շորժա

- Երևան-Երասխ-Երևան

Հայաստանի երկաթուղայինները իրենց մասնագիտական տոնին կշարունակեն աշխատել սովորական ռեժիմով, ապահովելով երկաթուղային համակարգի անխափան աշխատանքը՝ հոգ տանելով ուղևորների հարմարավետության մասին: