Նուր Սուլթանում խորհրդակցություններ են սկսվել Սիրիային նվիրված բանակցությունների շրջանակում

Ղազախստանի մայրաքաղաք Նուր Սուլթանում սիրիական խնդրի կարգավորման՝ բարձր մակարդակի հանդիպման շրջանակում սկսվել են խորհրդակցություններ կողմերի միջեւ:  Այդ մասին տեղեկացնում Է ТАСС-ը:

Բանակցությունների առաջին օրը երկկողմ եւ եռակողմ խորհրդակցություններ կանցկացվեն Աստանայի գործընթացի երաշխավոր երկրների (Ռուսաստան, Իրան եւ Թուրքիա) եւ մյուս մասնակիցների՝ Սիրիայի կառավարության ու զինված ընդդիմության, ինչպես նաեւ Սիրիայի խնդրով ՄԱԿ-ի գլխավոր քարտուղարի հատուկ դեպանորդի գրասենյակի պատվիրակությունների միջեւ: 

Բանակցությունների գլխավոր թեմաները կդառնան Սահմանադրական կոմիտեի ձեւավորումը եւ գործարկումը, գերիների փոխանակումը եւ Սիրիայի Իդլիբի նահանգի եւ երկրի հյուսիս-արեւելքի իրադրությունը: