Երեք օրում արձանագրվել է 53 ավտովթար. զոհվել է 4, վիրավորվել՝ 64 մարդ

Ըստ ոստիկանության օպերատիվ հաղորդագրությունների ամփոփագրերի` հուլիսի 26-ից 29-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 129 դեպք, այդ թվում՝ 8-ը նախկինում կատարված։

Մասնավորապես՝ մարմնական վնասվածք հասցնելու 37, անձնական ունեցվածքի գողության 22, խարդախության 11, ծեծի 8, սպանության սպառնալիքի 7, թմրամիջոցի հայտնաբերման 6, մշակումն արգելված թմրանյութեր պարունակող բույսեր ապօրինի ցանելու կամ աճեցնելու 5, պաշտոնեական լիազորությունների չարաշահման 4, գույքի դիտավորությամբ ոչնչացման, բնակարանային գողության, յուրացման կամ վատնման, համակարգչային հանցագործության, խուլիգանության, կողոպուտի, բժշկական օգնություն և սպասարկում իրականացնողների կողմից մասնագիտական պարտականությունները չկատարելու կամ ոչ պատշաճ կատարելու 2-ական, որսագողության, գույքի անզգուշությամբ ոչնչացման, անձնական կյանքի մասին տեղեկություններ ապօրինի տարածելու, շորթման, հարկերից խուսափելու, ապօրինի ծառահատման, կաշառակերության, պետական-հասարակական ունեցվածքի գողության, անառակաբարո գործողություններ կատարելու, զենք-զինամթերքի առգրավման, իշխանության ներկայացուցչի նկատմամբ բռնության, գույքի դիտավորությամբ վնասման, պետական կամ համայնքային սեփականություն հանդիսացող հողամասերի ինքնակամ զավթումը չդադարեցնելու և դրա հետևանքները չվերացնելու, ինչպես նաև ինքնակամ շենքերի, շինությունների կառուցումը չդադարեցնելու և անօրինական կառույցները չքանդելու, թմրանյութի իրացման, աշխատանքի պաշտպանության կանոնները խախտելու 1-ական դեպք:

Հայտնաբերվել է 2 անհետ կորած, 8 հետախուզվող, կամավոր ներկայացել են 4-ը։

Գրանցվել է զենք-զինամթերքի հայտնաբերման և կամավոր հանձնման 1-ական դեպք։

Նախկինում կատարված հանցագործություններից բացահայտվել է անձնական ունեցվածքի գողության 4, մարմնական վնասվածք հասցնելու, բնակարանային գողության, գույքի դիտավորությամբ վնասման և կողոպուտի 1-ական դեպք:

Անցած 3 օրվա ընթացքում հանրապետությունում արձանագրվել է ճանապարհատրանսպորտային 53 պատահար, ինչի հետևանքով 4 մարդ զոհվել է, 64-ը՝ ստացել տարբեր աստիճանի մարմնական վնասվածքներ: