Փոխարժեքներ 28 10 2024
USD	⚊	$ 387.13
EUR	⚊	€ 418.76
RUB	⚊	₽ 3.98
GBP	⚊	£ 502.61
GEL	⚊	₾ 141.68

կարևոր

Գերիների և անհետ կորածների հարցով ադրբեջանական կողմի հետ սպասվում է հանդիպում. ԱԱԾ տնօրեն
15 րոպե առաջ Հասարակություն
Սուրեն Մանուկյանի մեղադրանքը դատարանում փլուզվում է, ապացույցների քարը քարին չի մնում․ պաշտպան
43 րոպե առաջ Իրավական
էն սոված ադրբեջանցիները Ջերմուկից հեռացա՞ն․ հարց՝ ԳՇ պետին
1 ժամ առաջ Հասարակություն
Այդ ի՞նչ վերապատրաստում և կրթություն են անցնում կարմիրբերետավորները, որ հարձակվել էին ԱԺ պատգամավորի վրա․ Մանուկյանը՝ ՆԳ փոխնախարարին
2 ժամ առաջ Հասարակություն
Խնդրում եմ ապահովել նախարար Հովհաննիսյանի ամբողջական մասնակցությունը քննարկմանը, որ հետո չասի՝ ընդդիմությունը չի մասնակցում․ Գեղամ Մանուկյան
2 ժամ առաջ Հասարակություն
Մեր ճշգրտած սահմաններն են միայն ընդունելի․ բացառիկ հարցազրուց՝ 80-ականների սահմանազատման հանձնաժողովի անդամի հետ
2 ժամ առաջ Հասարակություն
Երևանի բնակիչը մտել է ՀՀ նախարարությունների շենք, կոտրել պահակակետի մոնիտորը. մանրամասներ
4 ժամ առաջ Իրավական
Ագարակի անցակետից ՌԴ սահմանապահների դուրսբերման որոշումից հետո հայ-ռուսական միջպետական պայմանգիրը չի վերանայվի․ ՀՀ ԱԳՆ
4 ժամ առաջ Քաղաքական
ԿԸՀ-ն սահմանել է 2025-ի ՏԻՄ ընտրությունների օրերը
5 ժամ առաջ Քաղաքական
Արևմուտքը չկարողացավ ծնկի բերել Բելառուսին և Ռուսաստանին․ Լուկաշենկո
5 ժամ առաջ Աշխարհ

0 դիտում,

5 տարի առաջ - 2019-07-09 18:52

Քաղաքական

Տեղի է ունեցել ՀՅԴ-ԱԺՄ հանդիպում

Հուլիսի 9-ին Հայ Յեղափոխական Դաշնակցության «Սիմոն Վրացյան» կենտրոնում տեղի է ունեցել հանդիպում ՀՅԴ Հայաստանի Գերագույն մարմնի եւ «Ազգային ժողովրդավարական միություն» կուսակցության ներկայացուցիչների միջև։ Հանդիպումը նախաձեռնել էր ՀՅԴ Հայաստանի Գերագույն մարմինը, որը շարունակում է քաղաքական խորհրդակցությունների շարքը խորհրդարանական և արտախորհրդարանական ուժերի հետ։

ԱԺՄ կուսակցության կողմից հանդիպմանը մասնակցում էին կուսակցության վարչության անդամներ Անահիտ Աղոյանը, Ադրինե Ավագյանը, Աշոտ Այվազյանը, Վարդան Վարդանյանը եւ Հրաչ Համբարձումյանը։ Դաշնակցության կողմից հանդիպմանը մասնակցում էին ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը, ՀՅԴ մասնագիտական ոլորտային հանձնախմբերի համակարգող Արծվիկ Մինասյանը, ՀՅԴ Գերագույն մարմնի անդամներ Շաղիկ Մարուխյանը եւ Աշոտ Սիմոնյանը ։

Գերագույն մարմնի ներկայացուցիչ Իշխան Սաղաթելյանը նշել է, որ Դաշնակցությունն ու ԱԺՄ-ն ունեն համատեղ անցած ճանապարհ, եւ այժմ տեսանելի են համագործակցության հեռանկարները երկրում առկա խնդիրներին լուծումներ առաջարկելու ուղղությամբ։

ԱԺՄ վարչության անդամ Անահիտ Եղոյանը նշել է, որ երկու կուսակցությունները երկրում առկա իրավիճակը նույն ձեւով են վերլուծում, եւ այդ հարցում կա փոխըմբռնում` երկրում տիրող անհանդուրժողականության մթնոլորտն արգելք է ցանկացած առաջընթացի համար։

ՀՅԴ մասնագիտական ոլորտային հանձնախմբերի համակարգող Արծվիկ Մինասյանը ներկայացրել է Դաշնակցության նախաձեռնած ոլորտային հանձնախմբերի աշխատանքը, ինչպես նաեւ որոշ օրենսդրական նախաձեռնությունների առընչությամբ կուսակցության տեսակետները։ Նա ներկայացրել է նաեւ Դաշնակցության «Զարգանալ` չզիջելով» հայեցակարգի կարեւորությունը եւ դրա շուրջ համախոհ ուժերի համախմբման անհրաժեշտությունը։

Կողմերը համակարծիք են եղել, որ միասնական օրակարգի ձևավորումն ուղղված է լինելու ապագայի քաղաքականության մշակմանը եւ այլընտրանքային օրակարգ առաջարկելուն։

Պայմանավորվածություն է ձեռք բերվել առավել ակտիվացնել միջկուսակցական շփումները ներքաղաքական կարևորագույն հարցերի շուրջ։

Հիշեցնենք, որ ՀՅԴ Հայաստանի Գերագույն մարմնի այս նախաձեռնության նպատակն է խորհրդարանական և արտախորհրդարանական քաղաքական առողջ ուժերի հետ քննարկել երկրում տիրող քաղաքական իրավիճակը և մի շարք հարցերի ուղղությամբ ճշգրտել մոտեցումներն ու համագործակցության հնարավոր ուղիները։