Միջկորեական սահմանին մեկնարկել է Թրամփ-Կիմ Չեն Ին հանդիպումը

Հարավային եւ Հյուսիսային Կորեաների սահմանի ապառազմականացւած գոտում, այսօր կայացել է ԱՄՆ նախագահ Դոնալդ Թրամփի եւ Հյուսիսային Կորեայի առաջնորդ Կիմ Չեն Ընի հանդիպումը: Տեղեկացնում է CNN-ը:

Թրամփը հանդիպման վայր է ժամանել Հարավային Կորեայի նախագահ Մուն Չժե Ինի ուղեկցությամբ եւ ավելի քան մեկ ժամ սպասել է Կիմ Չեն Ընի ժամանմանը:

Ապառազմականացված գոտում ձեռքսեղմումից հետո երկու առաջնորդները հատել են Հյուսիսային Կորեայի սահմանը: Այսպիսով Թարամփը դարձել է ԱՄՆ առաջին նախագահը, ով երբեւէ ոտք է դրել Հյուսիսային Կորեա;

«Սահմանից այն կողմ ոտք դնելն ինձ համար մեծագույն պատիվ է: Մեծ առաջընթաց է գրանցվել: Մեր միջեւ հիանալի բարեկամություն է հաստատվել»,- ասել է Թրամփը՝ շնորհակալություն հայտնելով Հիւսիսային Կորեայի առաջնորդին այդքան արագ արձագանքելու համար՝ ընդգծելով, որ հանդիպման համար նրան դիմել է երեկ:

Լրագրողների այն հարցին, թե արդյոք Կիմ Չեն Ընը  ԱՄՆ կայցելի, Թրամփը պատասխանել է, որ ինքը նրան հենց հիմա էլ կհրավիրի:

Ընն էլ իր հերթին ասել է, որ Թրամփի՝ որպոս առաջին ԱՄՆ նախագահ Հյուսիսային Կորեայի սահմանից ներս ոտք դնելը վկայում է անցյալի լարվածությունը նւազեցնելու եւ նոր ապագա կառուցելու պատրաստակամության մասին:

Նշենք, որ երկու առաջնորդների հանդիպումն անց է կացվում Կորեական թերակղզում խաղաղություն հաստատելուն ուղղված համատեղ ջանքերի շրջանակում: Նրանց նախորդ հանդիպումը, որը կայացել էր Վիետնամի մայրաքաղաք Հանոյում, անսպասելի ընդհատվել էր: Նրանց չէր հաջողվել համաձայնության գալ բանակցային թեմաների շուրջ: