Քրդերի մեջ ներիշխանական պայքար կա. Էրդողան

Թուրքիայի նախագահ Ռեջեփ Թայիփ Էրդողանն ուղիղ եթերով անդրադարձել է Քուրդիստանի աշխատավորական կուսակցության առաջնորդ Աբդուլլահ Օջալանի` հունիսի 23-ին նշանակված Ստամբուլի քաղաքապետի կրկնընտրություններին քրդերին չեզոքության ցուցաբերելու կոչին:

Նշենք, որ քրդամետ «Ժողովուրդների դեմոկրատական կուսակցության» նախագահ Սելահեթթին Դեմիրթաշը, որը, ինչպես և Օջալանը, գտնվում է բանտում, օրեր առաջ թվիթերյան էջում հայտարարություն էր տարածել՝  կոչ անելով քուրդ ընտրողներին ընտրություններին սատարել գլխավոր ընդդիմադիր «Հանրապետական-ժողովրդական կուսակցության» թեկնածու Էքրեմ Իմամօղլուին:

«Սա ցույց է տալիս, որ քրդերի մեջ կա ներիշխանական պայքար: Իհարկե, Օջալանը չի ցանկանում իր ձեռքից բաց թողել իշխանությունը: Դեմիրթաշից հաշիվ են պահանջելու: Նրանք մտածում են, որ իրենց դավաճանում են: Ես դեմ եմ, որ շահագործեն իմ քուրդ քաղաքացիներին», – Էրդողանի խոսքերն է մեջբերում haberler.com կայքը: