Թուրքիայում սկսել է հեռարձակվել առաջին հայկական հեռուստաալիքը

Լրագրող Արամ Քուրանի կողմից ստեղծված և Թուրքիայում առաջին հայկական «Լույս ԹՎ» հեռուստաալիքը սկսել է հեռարձակվել: Հայերենով և թուրքերենով հեռարձակվող հեռուստաալիքը մինչ այս միայն առցանց էր գործում. հաղորդում է «Անադոլու» գործակալությունը::

Արամ Քուրանը նշում է, որ հեռուստաալիքը ստեղծելու ուղղությամբ քայլերն արել են դեռ 2 տարի առաջ: Առցանց առաջին հեռարձակումը կատարվել էր այս տարվա հունվարի 6-ից: «Այս պահին ամեն ուրբաթ արևմտահայերենով նորություններ ենք հեռարձակում: Շաբաթը 2 անգամ էլ ուղիղ եթերներ ունենում»,- նշել է Քուրանը:

21 հոգուց կազմված հեռուստաընկերությունն իր եթերների 70 տոկոսը հեռարձակում է հայերենով, 30-ը` թուրքերենով: