Ռուսաստանը կսկսի կենսաթոշակներ վճարել ԵԱՏՄ անդամ երկրներից ներգաղթյալներին

Ռուսաստանը կսկսի կենսաթոշակներ վճարել Եվրասիական տնտեսական միության (ԵԱՏՄ) անդամ երկրներից աշխատանքային ներգաղթյալներին:

Դա է նախատեսում ԵԱՏՄ-ում կենսաթոշակային ապահովության մասին համաձայնագիրը, որը ստորագրման է պատրաստվում: Այդ մասին հայտնում է РБК-ն:

Նշվում է, որ ներկայումս աշխատանքային ներգաղթյալները պահումների տեսքով գումար են հատկացնում Ռուսաստանի կենսաթոշակային հիմնադրամին, սակայն կենսաթոշակ չեն ստանում:

 Համաձայնագիրը ենթադրում է, որ ներգաղթյալը թոշակ կստանա անգամ հայրենիք վերադառնալուց հետո:

Փաստաթուղթը, հավանաբար, կստորագրվի աշնանը և մինչև տարեվերջ կվավերացվի ԵԱՏՄ անդամ բոլոր երկրների՝ Ռուսաստանի, Բելառուսի, Ղազախստանի, Հայաստանի և Ղրղզստանի կողմից: