«Վիքիփեդիա»-ն Թուրքիայի դեմ հայց է ներկայացնելու ՄԻԵԴ

«Վիքիփեդիա»-ն Մարդու իրավունքների եվրոպական դատարան հայց է ներկայացնելու Թուրքիայի դեմ` կապված 2017 թվականից ի վեր երկրում կայքի արգելափակման հետ. հաղորդում է diken.com.tr կայքը` Financial Times-ի հղումով:

«Վիքիմեդիա» հիմնադրամը հայտարարել է, որ պատրաստվում է հաղորդակցության հիմնարար իրավունքի և խոսքի ազատության խախտման հիմքով դիմել ՄԻԵԴ: Հիմնադրամի ղեկավար Քեթրին Մահերը նշել է, որ այդ որոշումը կայացվել է Թուրքիայում 2 տարի տևած բանավեճերից և ՍԴ դիմելու անհաջող պայքարից հետո:

Թուրքիան կայքն արգելափակել էր Սիրիայի ներքաղաքական վիճակի և Թուրքիայի դեմ ուղղված ահաբեկչության վերաբերյալ երկու հոդվածների պատճառով: