Մայիսի 5-ից կտուգանվեն խաչմերուկների «վաֆլենման» գծանշումները խախտողները

ՀՀ ճանապարհային ոստիկանությունը փոփոխություններ է իրականացրել «Ճանապարհային երթևեկության անվտանգության ապահովման մասին» օրենքում և 2019 թվականի մայիսի 5-ից սկսած Երևան քաղաքի բոլոր խնդրահարույց խաչմերուկներում խաչաձև գծանշումներ կարվեն:

Այս մասին ասաց ՀՀ Ճանապարհային ոստիկանության պետ Եգոր Կարապետյանը:Նրա խոսքով` մայիսի 5-ից  խնդրահարույց խաչմերուկներում կարվեն գծանշումները, կտեղադրվեն ճանապարհային նշաններ,  մայիսի 5-ից վարորդները կսկսեն նաև տուգանվել՝ 5000 դրամի չափով:

Շրջանաձև երթևեկության բոլոր խաչմերուկներում փոփոխություններ են սպասվում:Փոփոխություններ են իրականացվելու նաև ճանապարհային նշանների խմբերում՝ ավելացվելու են հետիոտներին և հեծանիվներին վերաբերող ճանապարհային նշանները, ինչպես նաև որոշ ցուցանակներ են ավելացվելու էլեկտրոմոբիլների կիրառման կանոնների հետ: