Հուսանք՝ արդար հետաքննություն կիրականացվի. Կոպիրկինը՝ ռուս զինծառայողի դանակահարման մասին

Հայաստանում Ռուսաստանի դեսպան Սերգեյ Կոպիրկինը իր ֆեյսբուքյան էջում անդրադարձել է ռուսական 102-րդ ռազմակայանի զինծառայողի դանակահարման հետ կապված միջադեպին։

«Դա քննության հարց է, հուսանք, որ այս ողբերգական միջադեպի վերաբերյալ համակողմանի և արդար հետաքննություն կիրականացվի»,– ֆեյսբուքյան գրառում է արել դեսպանը։

Ավելի վաղ Քննչական կոմիտեն հայտնել էր, որ Շիրակի մարզային քննչական վարչություն քննվող քրեական գործի շրջանակներում պարզվել է 22-ամյա ՌԴ քաղաքացուն դանակահարելու հանգամանքները: Ձերբակալվել է մեկ անձ:Քրեական գործի նախաքննության ընթացքում ձեռնարկված քննչական գործողությունների և օպերատիվ-հետախուզական միջոցառումների արդյունքում 2019 թվականի մարտի 11-ին՝ ժամը 16:00-ին, մեղայականով ոստիկանության Կումայրիի բաժին է ներկայացել Գյումրի քաղաքի՝ 1990 թվականին ծնված բնակիչը: Վերջինս ձերբակալվել է: