Կեցցե Հայաստանը. Ռիո դե Ժանեյրոյում մեկնարկել է հանրահայտ դիմակահանդեսը

Բրազիլիայի Ռիո դե Ժանեյրո քաղաքում շարունակվում է աշխարհում հայտնի դիմակահանդեսը: Այն մեկնարկել է մարտի 1-ին և կշարունակվի ամբողջ շաբաթ՝ միաժամանակ կաթվածահար անելով Ռիո դե Ժանեյրոյի կենտրոնական փողոցները: Այս մասին հայտնում է estacaoarmenia.com.br կայքը:

Միջոցառմանն ակտիվ մասնակցություն են ունեցել նաև Rosas de Ouro (Ոսկե վարդեր) սամբայի պարային դպրոցը, որը ելույթ է ունեցել «Viva Hayastan!» (Կեցցե Հայաստանը) ծրագրով: Այն նվիրված է Հայոց ցեղասպանության զոհերի հիշատակին։ Ներկայացումը սկսվել է Ցեղասպանության զոհերի հիշատակին տուրքով, ապա հնչել է Կոմիտասի «Կռունկ» երգը։

«Արարատյան դաշտավայր դրախտի հոյակերտությունը» հարթակին ցուցադրվել են Ադամը, Եվան, Նոյյան տապանը, որը, ըստ լեգենդի, հանգրվանել է Արարատ լեռան վրա։

Ներկայացման երկրորդն թեման «Թովիչ ռազմիկների օրրան»-ն էր, որի ընթացքում ցուցադրվել են Տիգրան Մեծ արքայի ոսկե քանդակները, ինչպես նաև ասորական, պարսկական, հունական, հռոմեական և հայ հզոր ռազմիկների քանդակները։

Շքահանդեսին մասնակցել է հայ համայնքի 500 ներկայացուցիչ, իսկ ներկայացումը բաժանված է եղել 5 թեմայի՝ դրախտ, հայ հերոսներ, քրիստոնեություն, Հայաստանի մշակույթ և հրապարակ։

Ըստ Դե Ժանեյրոյի քաղաքապետարանի կանխատեսման՝ այս տարի դիմակահանդեսին կմասնակցի մոտ 7 միլիոն մարդ, այդ թվում՝ 1,5 միլիոն զբոսաշրջիկ:

gazeta.ru-ի ծավալուն ֆոտո անդրադարձ է կատարել դիմակահանդեսին, որը ներկայացնում ենք ձեր ուշադրությանը: