Թուրքիայի և Ադրբեջանի արտաքին գործերի նախարարությունների միջև անցկացվել է քաղաքական խորհրդատվություն

Բաքվում Թուրքիայի և Ադրբեջանի արտաքին գործերի նախարարությունների միջև անցկացվել է խորհրդատվության հերթական փուլը: Ադրբեջանի ԱԳՆ-ի հաղորդագրության համաձայն` պատվիրակությունները ղեկավարել են Ադրբեջանի ԱԳ նախարարի տեղակալ Ռամիզ Հասանովը և Թուրքիայի ԱԳՆ ղեկավարի տեղակալ Սեդաթ Օնալը. հաղորդում է oxu.az կայքը: Քննարկվել են տարբեր ոլորտների վերաբերող հարցեր, այդ թվում` Ղարաբաղի հարցը:

Հասանովը Հայաստանի և Ադրբեջանի` Լեռնային Ղարաբաղի հակամարտության վերաբերյալ բանակցությունների վերջին իրադարձությունների մասին հաղորդել է մանրամասն տեղեկություններ և գոհունակություն է հայտնել Թուրքիայի` հակամարտության արդարացի լուծման ուղղությամբ որդեգրած դիրքորոշման կապակցությամբ: