Եթե Հայաստանն ԱՄՆ-ին պետք է որպես ՌԴ-ի դեմ գործիք, դա կոչնչացնի Հայաստանը. Սատանովսկի

Երևանի կողմից  մարդասիրական խումբ Սիրիա ուղարկելը տարբեր կերպ ընդունվեց աշխարհում: Վաշինգտոնը հայտարարեց, որ չի աջակցում Սիրիայում հայաստանյան առաքելությանը և այդ ուղղությամբ Երևանի ու Մոսկվայի համագործակցությանը:

Մերձավոր Արևելքի ինստիտուտի նախագահ Եվգենի Սատանովսկին կարծում է, որ ԱՄՆ-ը կօգտագործի ցանկացած հնարավորություն ՀՀ-ի ու ՌԴ-ի հարաբերությունները փչացնելու համար, քանի, որ ըստ նրա, անկախ Սիրիայից, Ռուսաստան-Հայաստան ցանկացած հարաբերություն նյարդայնացնում է երկրին: Այդ մասին նա ասել է Русарминфо-ի հետ զրույցում:

Ըստ Սատանովսկիի` ամերիկացիները ցանկանում են Հայաստանն «օգտագործել» իրենց նպատակների համար և պետք է հասկանալ՝ ինչու է դա նրանց հարկավոր: «Եթե Հայաստանը Վաշինգտոնին պետք է՝ կապված ԱՄՆ-ում հայկական ազդեցիկ համայնքի և Անդրկովկասում իրավիճակի հետ, ԱՄՆ-ը  հարաբերությունների որոշակի մակարդակ  կպահպանի  Հայաստանի  հետ: Եթե ԱՄՆ-ին Հայաստանը պետք է որպես գործիք  Ռուսաստանի դեմ քաղաքականության մեջ, դա կոչնչացնի Հայաստանը»,- ասել է  վերլուծաբանը: