Բացահայտվել է հանցագործության 56 դեպք. ՀՀ ոստիկանություն

Ըստ ոստիկանության օպերատիվ հաղորդագրությունների ամփոփագրերի`փետրվարի 7-ից 8-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 56 դեպք։ Այս մասին հայտնում են Ոստիկանությունից: 

Մասնավորապես՝ գրանցվել է  մարմնական վնասվածք հասցնելու 11 դեպք, ծեծի` 5, զենք-զինամթերքի առգրավման ու թմրամիջոցի հայտնաբերման 3-ական, բնակարանային գողության  անձի առևանգման, համակարգչային հանցագործության, ապօրինի ծառահատման, կաշառակերության և այլ դեպքեր: 

Հայտնաբերվել է 1 անհետ կորած և 2 հետախուզվող:

Նախկինում կատարված հանցագործություններից բացահայտվել է անձնական ունեցվածքի գողության 4 և մարմնական վնասվածք հասցնելու 1 դեպք։
 
Անցած 1 օրվա ընթացքում հանրապետությունում արձանագրվել է ճանապարհատրանսպորտային 10 պատահար, ինչի հետևանքով 1 մարդ զոհվել է, 15-ը՝ ստացել տարբեր աստիճանի մարմնական վնասվածքներ: