ԱՄՆ-ի Նյու Մեքսիկո նահանգի նահանգապետը սահմանին տեղակայված ԱՄՆ զորքերին հետ քաշվելու հրաման է տվել

Թուրքական star.com.tr կայքի տեղեկացմամբ` ԱՄՆ Նյու Մեքսիկո նահանգի  նահանգապետ Միշել Լույան Գրիշամը Մեքսիկայի սահմանին տեղակայված ԱՄՆ զորքերին հետ քաշվելու հրաման է տվել: Նա մասնավորապես նշել է, որ տարածքում կմնան փոքրաթիվ զինվորականներ:  Նահանգապետը դա պատճառաբանել է նրանով, որ Նյու Մեքսիկոն չի մասնակցի ԱՄՆ նախագահ Դոնալդ Թրամփի հռչակած «Աղետալի հոսք»-ի դեմ պայքարին:

Երկու օր առաջ ԱՄՆ պաշտպանության նախարարությունը հայտարարել էր, որ Մեքսիկայից ապօրինի ներգաղթյալների դեմ պայքարի համար սահման է ուղարկելու 3750 զինվոր:

Նոյեմբերին Պենտագոնը նախատեսել էր այնտեղ ուղարկել 5900 զինվոր, սակայն հետագայում` դեկտեմբերի 15-ից մինչև հունվարի 15 ընկած ժամանակահատվածում, այդ թիվը մի շարք զինվորների վերադարձի հետևանքով կրճատվել էր: