Խորհրդարան` առանց ընդդիմության. ТАСС-ի անդրադարձը

ՀՀ ԱԺ արտահերթ  խորհրդարանական ընտրությունների արդյունքները սպասելի էին, սակայն` մտահոգիչ. գրում է ռուսական ТАСС գործակալության կայքը:

Նշվում է, որ փորձագետները կանխատեսել էին, որ «Իմ քայլը» դաշինքը կստանա ձայների 70  տոկոսը, սակայն մնացածում սխալվեցին: Ընտրությունների անակնկալը, ըստ կայքի, դարձավ այն,  որ նախկինում իշխող ՀՀԿ-ն չանցավ խորհրդարան, մինչդեռ միայն այդ կուսակցությունը կարող էր իրական ընդդիմություն դառնալ:

Ըստ ТАСС-ի` նոր խորհրդարանի խնդիրը ոչ միայն ընդդիմության բացակայությունն է, այլև` ծրագրերի: «Փաշինյանը պարբերաբար ասում է, որ տանում է երկիրը դեպի դեմոկրատիա և բարգավաճում, սակայն չի ասում` ինչպես է դա անելու»,- գրում է կայքը:

Չկան նաև կանխատեսումներ: «Փորձագետները տարակարծիք են այն հարցում, թե ինչ կանի այժմ Նիկոլ Փաշինյանը»,- գրում է կայքը: