Փաշինյանը և Ալիևը քննարկումներ են ունեցել Սանկտ Պետերբուրգում. Հաջիև

Սանկտ Պետերբուրգում` ԱՊՀ պետությունների ղեկավարների ոչ պաշտոնական հանդիպման շրջանակում, Ադրբեջանի նախագահ Իլհամ Ալիևը կուլիսներում զրուցել է Հայաստանի վարչապետի պաշտոնակատար Նիկոլ Փաշինյանի հետ: Այդ մասին Азертадж-ի հետ զրույցում հայտնրել է Ադրբեջանի նախագահի աշխատակազմի արտաքին քաղաքականության վարչության ղեկավար Հիքմեթ Հաջիևը:

Ըստ նրա` կողմերը զրույցի ընթացքում քննարկել են ԼՂ հակամարտության կարգավորման վերաբերյալ ակտիվ բանակցությունների շարունակության և հրադադարի ամրապնդման հարցերը:

Հաջիևի խոսքով`  երկու երկրների ղեկավարները նաև քննարկել են ձերբակալված անձանց փոխադարձ փոխանակման հարցը: «Ադրբեջանի նախագահ Իլհամ Ալիևն ընդգծել է, որ փոխանակումը պետք է տեղի ունենա «Բոլորը բոլորի դիմաց»  սկզբունքով և ցուցակում պետք է լինեն Դիլհամ Ասքերովի և Շահբազ Ղուլիևի անունները»,- նշել է նա:

Հաջիևը նաև մեկնաբանել է երկու երկրների միջև գործող ուղիղ կապը: «Նման կապ կա, սակայն այն պետության ղեկավարների, ԱԳՆ կամ ՊՆ ղեկավարների մակարդկաով չէ, այլ ավելի ցածր մակարդակով»,- նշել է նա: