Առաջիկայում սպասվում են կալանավորումներ, դատավճիռներ. Փաշինյան

Քիչ առաջ ՀՀ վարչապետի պաշտոնակատար Նիկոլ Փաշինյանը ֆեյսբուքյան ուղիղ միացմամբ պարզաբանումներ ներկայացրեց գաղտնալսման կապակցությամբ: Հիշեցնենք, որ սոցիալական ցանցերով տարածվել է Նիկոլ Փաշինյանի և ԱԱԾ պետ Արթուր Վանեցյանի միջև գաղտնալսված հեռախոսազանգը, որտեղ խոսակցություն է գնում ՀԱՊԿ նախկին քարտուղար Յուրի Խաչատուրովի մասին: Ըստ Փաշինյանի, այդ գաղտնալսված խոսակցությունները հրապարակվում են այն պատճառով, որ կոռումպացված համակարգի շուրջ օղակը սեղմվում է, և բոլոր դեպքերում, կոռումպացված բոլոր չինովնիկները հատ-հատ կանչվելու են պատասխանատվության: Փաշինյանի հավաստմամբ, առաջիկայում սպասվում են կալանավորումներ,  դատավճիռներ:

«Սա հայտարարված պատերազմ է ՀՀ պետականության նկատմամբ, այս պատերազմը հրահրածներին սպասվում է ջախջախիչ պարտություն: Սա հարված է հեղափոխությանը»,- ասաց նա:

Փաշինյանը նշեց, որ թե ԱԱԾ պետի, թե ՀՔԾ պետի խոսակցության բովանդակությունը տեղավորվում է նրանց պաշտոնեական գործառույթների շրջանակում: