Դիտավորության կասկած`զեբրի թունավորման փաստով.Ոստիկանությունը քրգործ է հարուցել

Նոյեմբերի 13-ի առավոտյան կենդանաբանական այգում գրանցվել էր  զեբրի  անկում։ Լաբորատոր հետազոտության տվյալներով, կենդանու արյան և մեզի մեջ հայտնաբերվել էր մեծքանակությամբ մկնդեղի (արսեն) պարունակություն։

Կենդանաբանական այգու տնօրեն Ռուբեն Խաչատրյանն այսօր լրագրողների հետ զրույցում ասաց, որ Երևանի կենդանաբանական այգում զեբրի թունավորումը դիտավորություն է եղել: Նա  կասկածներ ունի, թե ովքեր կարող են դա արած լինել, սակայն քննության արդյունավետության նպատակով դեռ չի նշում անունները:«Որոշ մարդիկ իրենց անձնական խնդիրների համար նման քայլի կարող են դիմել:Որ դիտավորություն կա, դա հաստատ է»,-ասաց նա:

ՀՀ ոստիկանությունը քրեական գործ է հարուցել զեբրի անկման դեպքի առթիվ՝ ՀՀ քրեական օրենսգրքի 185-րդ հոդվածի երկրորդ մասով: Նախաքննական մարմինը քննչական գործողություններ է իրականացնում զեբրի անկման հանգամանքները պարզելու ուղղությամբ: