Իսրայելական ուժերը ոչնչացրել են ՀԱՄԱՍ-ի ռազմական հետախուզության շենքը

Իսրայելի ՌՕՈՒ-ն հարվածներ է հասցրել ՀԱՄԱՍ-ի ռազմական հետախուզության շենքին. հայտնում է РИА Новости-ն` իսրայելական բանակի մամուլի ծառայությանը հղումով:

Ըստ իսրայելական կողմի` շենքն օգտագործվել է ռազմական նպատակներով, այդ թվում` հետախուզական տեղեկատվություն հավաքելու համար, շենքում նաև գտնվել է զենքի պահեստ:

Իսրայելի բանակն ավելի վաղ հարվածներ է հասցրել Գազայի հատվածում տեղակայված մոտ 150 օբյեկտի, այդ թվում` «Ալ Աքսա» հեռուստաընկերությանը և նախկին հյուրանոցի շենքին որը, ինչպես նրանք են պնդում, ՀԱՄԱՍ-ն օգտագործել է  «ահաբեկչական նպատակներով»: ՀԱՄԱՍ-ը, իր հերթին, մոտ 400 հրթրռ է արձակել Իսրայելի ուղղությամբ: