Թուրքիայի քրդամետ կուսակցության 6000 անդամ բանտում է

Թուրքիայի քրդամետ Ժողովուրդների դեմոկրատական կուսակցության համանախագահներ Սելահաթթին Դեմիրթաշն ու Ֆիգեն Յուքսեքդաղն արդեն երկու տարի է` բանտում են: Նրանք հայտնվել էին բանտում Թուրքիայում 2016 թվականի հուլիսի 15-ին տեղի ունեցած ռազմական հեղաշրջման փորձից հետո` հեղաշրջման հետ կապեր ունենալու մեղադրանքով:

Ըստ Demokrathaber-ի` այդ կապակցությամբ քրդամետ կուսակցության ներկայիս համանախագահներ Փերվին Բուլդանը և Սեզայի Թեմելլին Անկարայում մամուլի ասուլիսով են հանդես եկել: Նրանք ներկայացրել են տվյալներ, թե կուսակցությունից ինչքան մարդ է այժմ գտնվում թուրքական բանտերում։

Բուլդանի խոսքով`6000 ԺԴԿ-ական այժմ բանտում է, որոնցից 53-ը համաքաղաքապետեր։  «Մեր ընկերների՝ բանտում գտնվելու պատճառն այս իշխանության կյանքը երկարաձգելու փորձն է»,- նշել է նա: