Коммерсантъ-ին հայտնի է դարձել` ով կփոխարինի Խաչատուրովին

Արդեն տեղեկացրել ենք, որ ՀԱՊԿ գլխավոր քարտուղար Յուրի Խաչատուրովին ազատել են պաշտոնից` ՀՀ-ի նախաձեռնած գործընթացի համաձայն:

Коммерсантъ-ին հայտնի է դարձել, որ ՀԱՊԿ-ում քննարկվում է այն տարբերակը, որ գլխավոր քարտուղարի պաշտոնում նշանակվի Բելառուսի Անվտանգության խորհրդի պետական քարտուղար Ստանիսլավ Զասյան: Սակայն նշվում է, որ  ՀԱՊԿ անդամ պետությունները վերջնական որոշում կկայացնեն նոյեմբերի 8-ին Աստանայում, որտեղ պետք է կայանա ՀԱՊԿ խորհրդի նիստը` երկրների ղեկավարների մակարդակով:

Ըստ Коммерсантъ աղբյուրներից մեկի` սկզբնական փուլում քննարկվել է այն տարբերակը, որ ՀԱՊԿ գլխավոր քարտուղարի տեղակալ Վալերի Սեմերիկովը կկատարի 1,5 տարի գլխավոր քարտուղարի լիազորությունները. Խաչատուրովին պաշտոնավարմանն այդքան  էր մնացել: Սակայն ավելի ուշ որոշում է  կայացվել, որ պետք է լիարժեք քարտուղար նշանակվի: Ըստ որոշման` պետք է առաջնորդվել ռոտացիայի սկզբունքով, որի համաձայն` Հայաստանին հետևում է  Բելառուսը, և հենց այդ երկրի ներկայացուցիչը պետք է դառնա ՀԱՊԿ գլխավոր քարտուղար: