ԱԺ-ն քննարկում է համաներում հայտարարելու մասին հարցը

Կառավարության նախաձեռնությամբ հրավիրված ԱԺ արտահերթ նիստում քննարկվում է «Համաներման մասին» օրենքում փոփոխություն կատարելու մասին հարցը:

Նշենք, որ երեկ ՀՀ ԱԺ պետական-իրավական և մարդու իրավունքների պաշտպանության հարցերի մշտական հանձնաժողովը հոկտեմբերի արտահերթ նիստում փակ ընթացակարգով քննարկել է «Էրեբունի-Երևանի հիմնադրման 2800-ամյակի և Հայաստանի առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» օրենքի նախագիծը: Քննարկումների արդյունքում հանձնաժողովը տվել է դրական եզրակացություն:

Արդարադատության նախարարի պաշտոնակատար Արտակ Զեյնալյանը նշեց, որ նախագծի վերաբերյալ գրավոր առաջարկություններն ու գլխադասային հանձնաժողովի եզրակացությունը ներկայացնելու համար կառավարությունն առաջարկում է սահմանել երեք ժամ:

Նիստը վարող` ԱԺ փոխնախագահ Արփինե Հովհաննիսյանն էլ նշեց, որ հարցի քվեարկությունը տեղի է ունենալու այսօր` հարցի քննարկումից հետո: