Առաջադրել Նիկոլ Փաշինյանի թեկնածությունը և կոչ անել չքվեարկել նրա օգտին. Լենա Նազարյանը պարզաբանել է

ԱԺ «Ելք» խմբակցության ղեկավար Լենա Նազարյանն իր ֆեյսբուքյան էջում անդրադարձել է «Ելք»-ի կողմից վարչապետի պաշտոնում Նիկոլ Փաշինյանի թեկնածության առաջադրմանն ու կոչին` չքվեարկել Նիկոլ Փաշինյան թեկնածուի օգտին:

«Հարգելի բարեկամներ, պարզաբանեմ, թե ինչո՞ւ էր անհրաժեշտ այսօր ՀՀ վարչապետի պաշտոնում առաջադրել ՀՀ վարչապետի պաշտոնակատար Նիկոլ Փաշինյանի թեկնածությունը և ինչո՞ւ է անհրաժեշտ, որ Ազգային ժողովը վաղը նրան չընտրի վարչապետ :

Ծրագիրը հետևյալն է. Սահմանադրության համաձայն` որպեսզի Ազգային ժողովը լուծարվի, անհրաժեշտ է, որ Ազգային ժողովում 2 անգամ ոչ ոք վարչապետ չընտրվի: Միայն այդ պարագայում ԱԺ-ն կլուծարվի և կնշանակվեն նոր ընտրություններ` դեկտեմբերի 9-ին: Հետևապես վաղը և դրանից 7 օր հետո էլ պետք է ոչ ոք չընտրվի: