Փաշինյանը ներկայացրեց արտահերթ խորհրդարանական ընտրությունների անցկացման երկրորդ սցենարը

Այսօր սրճարանում վարչապետ Նիկոլ Փաշինյանի ու ՀՀԿ խմբակցության ղեկավար Վահրամ Բաղդասարյանի միջև հանդիպումից հետո Փաշինյանը լրագրողների հետ զրույցում ասաց, որ արտահերթ խորհրդարանական ընտրություններ անցկացնելու համատեքստում երկու տարբերակ է տեսնում: Տարբերակներից մեկի մասին Փաշինյանը ավելի վաղ հայտնել էր, իսկ մյուսի մասին դեռ չէր ասել: Ուրեմն առաջին տարբերակի համաձայն սահմանդրական փոփոխություններ են կատարվում, իսկ մյուս տարբերակով ստորագրվում է համաձայնագիր, որ այսինչ օրը վարչապետը հրաժարական է տալիս, բայց քաղաքական ուժերը չեն առաջադրում թեկնածուներ, և տեղի են ունենում խորհրդարանական ընտրություններ: Փաշինյանի խոսքով` երկու տարբերակներն էլ ունեն իրենց առավելություններն ու ռիսկերը: